Рӯзҳои 16-18 марти соли 2026 дар осоишҳгоҳи Сароб 20 нафар судяҳои судҳои ВМКБ, Суғду Хатлон, шаҳри Душанбе ва ноҳияҳои тобеи ҷумҳурӣ доир ба мавзуи “Механизмҳои ҳифзи ҳуқуқи инсон мутобиқи низоми Созмони Милали Муттаҳид” дар тренинги омузишӣ иштирок доранд.
Чорабии мазкур бо ибтикори Суди Олии Ҷумҳурии Тоҷикистон дар заминаи амалигардонии бандҳои дахлдори Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон барои давраи то соли 2038, ки бо қарори Ҳукумати Ҷумҳурии Тоҷикистон аз 5 августи соли 2023, №357, Нақшаи миллии амалҳо ҷиҳати иҷрои тавсияҳои давлатҳои аъзои Шӯрои Созмони Милали Муттаҳид оид ба ҳуқуқи инсон тибқи расмиёти шарҳи универсалии даврӣ (даври сеюм) барои солҳои 2023-2026, ки бо амри Президенти Ҷумҳурии Тоҷикистон №АП-350 аз 1 прели соли 2023 тасдиқ шудаанд ва дигар Нақшаи миллии амалҳо вобаста ба иҷрои тавсияҳои Кумитаи Созмони Милали Муттаҳид баргузор гардид.
Ташкил ва амалӣ гардондани тренинги мазкур ба судяҳо бо ҳадафи омузиши санадҳои ҳуқуқии байналмилалии эътирофнамудаи Тоҷикистон оид ба ҳуқуқи инсон ва дигар масълаҳои вобаста ба иҷрои уҳдадориҳои байналмилалӣ иборат буда, зимни чорабинӣ судяҳо масъалаҳои татбиқи меъёрҳои Конвенсияҳои Созмони Милали Муттаҳидро ҳангоми баамалбарории адолати судӣ ва қабул намудани санадҳои судӣ азхуд намуданд.
Ба сифати устод судяи Суди Олӣ муҳтарам Аланазарзода Шароф баромад намуда, паҳлуҳои муҳими санадҳои ҳуқуқии байналмилалии эътирофнамудаи Тоҷикистонро ба шунавандагон табодули таҷриба намуданд.
.jpg)
.jpg)
.jpg)
.jpg)
