Санаи 15 майи соли 2026 дар шаҳри Душанбе мизи мудаввар таҳти унвони «Муаррифии натиҷаҳои таҳлили баррасии парвандаҳои ҷиноятӣ ва муколамаи масъалаи ворид намудани тағйиру иловаҳо ба Қонуни Ҷумҳурии Тоҷикистон “Дар бораи ёрии ҳуқуқӣ” баргузор гардид.
Дар чорабинии мазкур намояндагони ҳокимияти судӣ, маомоти прокуратура, корҳои дохилӣ, адвокатура, инчунин, шарикони рушд ва ҷомеаи шаҳрвандӣ иштирок намуданд.
Зимни ҳамоиш масъалаҳои вобаста ба таҳкими ёрии ҳуқуқӣ ба кӯдакон, мутобиқати қонунгузории миллӣ ба стандартҳои байналмилалӣ ва таҳлили амалияи судӣ оид ба парвандаҳои ҷиноятӣ нисбати ноболиғон мавриди баррасӣ қарор гирифтанд.
Дар кори мизи муддавар судяи Суди Олӣ муҳтарам Алназарзода Шароф ва директори Маркази таълимии судяҳо назди Суди Олӣ бо маърузаҳо баромад намуда, масъалаҳои хусусиятҳои хосӣ тартиби тафтиш ва баррасии судии парвандаҳо бо иштироки ноболиғонро аз рӯи стандартҳои байналмилалӣ ва санадҳои қонунгузории Тоҷикистон ба иштирокдорон табодули таҷриба намуданд.
Дар анҷоми чорабинӣ иштирокчиён оид ба такмили низоми расонидани ёрии ҳуқуқии ройгон ба кӯдакон табодули афкор ва таклифу пешниҳодҳои мушаххас иброз намуданд.
.jpg)
.jpg)
.jpg)
.jpg)
